最近筆者在群組「郵輪資訊交流區」發現一個關於讚揚海洋光譜號 medical centre醫生和護士的帖子，十分值得和大家分享！感謝網友Cindy Chung 分享。
「
要喺度讚揚一下 #海洋光譜號 medical centre醫生和護士!好多人都介紹過船上嘅設施同餐飲，但嚟緊聖誕節我估好多親子家庭上船玩，小朋友嘅安全，我哋做家長嘅最為緊張！（ 在我而言，講真有咩大小事，在郵輪上發生，會比起岸上分外緊張及擔心）所以今次透過我親身嘅經歷，簡單介紹下比較冷門嘅服務，但亦都希望大家唔使用到呢個服務！簡單講述一下我嘅經歷和感受，仔仔不小心在泳池跌倒，救生員連忙帶我們到medical Centre！ 仔仔傷口好深，醫生看過傷口後需要立即聯針，幫仔仔聯咗四針。
外籍醫生和護士非常專業，過程中用英文及普通話與我們溝通，他們很懂得冷靜及安慰小朋友及家長，消毒傷口後並解釋及說明他們將會怎樣處理傷口！ 就我今次嘅個案裏，意想不到的是醫生+聯針及藥物，都是沒有額外收費！醫生聯針後還氹小朋友寫了一張醫生紙，紙上說明 urgent ice cream， 叫小朋友可以到餐廳拿雪糕！醫護人員知道我們還未吃午餐，他們還特意安排了room service給我們，給了我們lunch menu選擇然後送上房間給我們享用及休息一下！ 仲送咗一包薯片畀小朋友。在這個意外中，我覺得在船上 貴 公司危機意識和醫療服務，以及細心體貼客人方面做得好好！感受到他們的專業，以及盡力幫助客人，希望客人盡快收拾不愉快的心情，繼續享受旅程！並且事後我們回到房間後，他們大概30分鐘 打2次上來房間， 繼續跟進並且問及仔仔狀況！所以我覺得他們 #海洋光譜號 ，#醫療團隊，#客服中心#餐飲部#roomservice，#皇家加勒比#RoyalCaribbean，#皇家加勒比國際遊輪 多謝你們各部門的配合，做得好好，值得一讚！感謝你們！再次講一下，雖然我介紹呢個服務，醫療團隊專業，真係值得一讚，但真係希望各位乘客唔需要享用到呢個服務啦！
」