十分感謝網友Tinekit Ng 於群組「郵輪資訊交流區」分享！
12月5號至12月9號5日4夜皇家加勒比海洋光譜號體驗， 第一次上郵輪總括:如果有時間係會再去第二次，四晚都有不同嘅show， 絲綢之路 & show girl 都很精彩，但係必需要在app預約; 還要提早15分鐘到達會場取最佳位置。其他活動如碰碰車必須在apps預訂，羽毛球乒乓球都需要預先在場館旁邊counter預約， 每間房只能預約半小時， 如果同時有兩間房間可以每個場地book 1小時 ，最好在船還未開船期間一次過預約，每項活動每個房間只可以預約一次，其他活動例如攀石都不用排很久，除咗衝浪見到條隊都唔想排喇！
到咗膳食方面， 先講免費的，船公司安排都好好， 在上船之前預約晚餐時間，就必須要跟啦，因為佢哋要再返枱， 大致上午餐就是在帆船餐廳自助餐，晚餐在三樓主餐廳; 輕食方面就係270咖啡室;
但是本次旅程在群組上看到有unlimited dinning package, 我今次係大約八百多元可食七餐; 我相信很多谷友會問，好唔好食抵唔抵應唔應該買，我只可以答你，下次再去我都會必定再購買！ 體驗過之後我兩公婆都不會後悔， 值得嘅，同時再多謝之前嘅谷友資訊！ 以下就係我哋嘅次序啦！
第一晚牛扒屋、 第二天午餐火鍋備註火鍋必定要下午食， 晚餐 Jamie’s italian。
第三天午餐牛扒屋，晚餐鐵板燒要另外加每位十元美金， 第四天午餐牛扒屋，晚餐川谷薈。 川菜每人有價值35元美金，可跟餐牌上選擇，兩人美金70，如此類推。
因為本人不吃魚生， 所以沒有選擇日本餐廳 。 如果早段時間吃完收費餐廳，您還可以在8時半以後往免費主餐廳吃甜品。 不另收費呀！每日還會執房兩次，每日還會有一款毛巾公仔放在床上，毛巾公仔在以下圖片上比較特別，每餐都有不同嘅服務員上前問你有咩需要好唔好食，同一間餐廳裏面試過有四個不同人員上來詢問， 服務態度一流真係要讚。以下就是幾日下來嘅圖片， 每朝早上七時 可以食到凌晨兩點，增肥之旅呀！
