【網友分享】海洋光譜號 餐飲攻略！

感謝網友Howard Wong分享！

岩岩星期日落船（28/11) , 見到其實都好多人問餐飲問題， 但又唔係咁多人post 餐廳野食， 咁我就post 下呢幾日食D 咩。

延伸閱讀：【網友分享】雲頂夢號 Seacation (1)

去左4日3夜， join 了 unlimited dining package ( 強烈建議， 因為係值的） , 我見有d 人話如果去3日2夜就唔值join, 其實我想講都係值得的， 因為淨係牛扒館個2 人set , 個質素香港食一定過$1000. 而且14樓自助餐食物真係好一般（ 大概香港百零蚊放題質素），除左第一日上船中午無得揀下去左食， 之後日子既午餐，晚餐無再去過，（早餐有食左2次）， 咁難得去遊輪玩下， 俾多少少食好D 唔好嗎？

Chop Grille 牛扒

首選：Chop Grille 牛扒：揀左T骨 (450g)同NY steak (350g) ,牛扒份量非常大而且算唔錯（Prime) , 如果唔食牛既朋友， 我見佢仲有煎鱸魚食既， 另外佢有幾款配菜（忌廉菠菜， 蘆筍， 芝士通粉etc..)， 基本上你可以要晒都OK 的所以一定飽。 😋 呢間要早D book, 本身第三日想再食多次, 已經full house 了😿

延伸閱讀：【網友分享】雲頂夢號 Seacation (2)

次選： Jamie 意大利餐 : 我只可以講呢間野份量仲多， 除左香腸拼盤， 前菜， 沙律，每人可以揀一個意粉（勁大碟而且好食），然後仲可以揀多個主菜 , 我揀左羊架 , 佢上碟係4大隻。。香港食咁耐西餐， 不嬲羊架做main course 都係2-3隻。

延伸閱讀：【網友分享】海洋光譜號 Seacaution

鐵板燒

鐵板餐你當食環境同表演好了， 食物比較一般， 而且要每位再另加$10 USD

延伸閱讀：海洋光譜號Spectrum of the seas 有咩好吃？ ( 不斷更新)

海涵火鍋

火鍋我會排得前過鐵板餐， 不過最好食中午或者下午5:30pm時段 , 因為太夜食， 出面睇唔到景。

我食到一半先知道原來牛肉可以無限加， 佢免費既牛肉質素唔錯， 算係香港出面$2xx任食果種牛肉。(圖片中另外自費叫左和牛同扇貝， 不是任食的）

*日本餐廳： 我會定位為 爭鮮。。。好一點點。如果大家都係香港食開日本野既人， 都唔使考慮呢間了 我覺得間野係開俾外國人食的仲有幾間再自費既餐廳我無食， 留返俾有食既人講.

另外想講少少有關任飲package, 我本身join 左$49.99/日既Deluxe Package, 但用後感係， 佢地沖既cocktail 真係好一般， even fruit punch 都唔掂（我主要在戶外泳池果邊飲）， 如果大家要飲， 都係去餐廳飲會好飲好多，尤其牛扒館， 佢地調既cocktail 比14樓15樓戶外酒吧專業太多了， 只要你join 左Deluxe Package , 食飯飲酒係最正